身體過勞丨高海寧親揭入院檢查原因　高Ling承認唔識抗壓：要調節心態

37歲高海寧（高Ling）去年憑劇集《新聞女王》奪得《最佳女配角》，創事業高峯的高海寧忙到不可開交，不時中港兩邊飛，拍攝內地真人騷《無限超越班》第二季之餘，亦要趕拍無綫新劇《武林》。

高Ling：頭皮有兩大嚿硬塊

上月19日高海寧分享躺於病床上的照片，加上她曾透露頸部有硬塊，不禁令人擔心其健康狀況。已返港的高海寧早前接受TVB娛樂新聞台訪問，她透露入院一事時，高海寧說：「我好突然㗎，我係拍完《無限超越班》嘅通宵之後第二日，坐飛機返嚟，跟住我就喺度按我條頸啦，咦，乜有粒咁大嘅嘢。」

高海寧續說：「因為之前嗰晚都係四點幾先瞓，跟住之後咁大粒嘅？硬硬地㗎喎仲要係，嗰陣真係比而家凸好多，跟住就好驚啦。摸落去頭皮呢個位，呢兩忽呢係兩大嚿硬塊，跟住痛喎！然之後㗎成個頭皮又㷫，跟住我就死啦，咩事呢？」

無限超越班2丨高海寧自揭被受TVB冷待？　在TVB為呢樣嘢等足15年

▼點擊圖片放大

+9

+8

醫生建議觀察住

曾於2011年和2017年患上鬼剃頭的高海寧，近日又再度翻發：她說：「我之前試過鬼剃頭兩次，我最近又有咁嘅跡象，咁我知道係壓力，所以其實個心……即係我唔係話好徬徨嘅，但係我知道我要抽時間去醫院Check，咁跟住劇組好好啦，叫我去醫院，即係大家都唔想你有事咁樣，所以就放咗我幾日假去醫院。」

幸而檢查結果不算嚴重：「Check到出嚟唔係嚴重嗰邊嘅可能性，已經好好多，但醫生都話要Mon住，咁而家都仲喺度，咁可能都需要畀多啲時間，咁醫生就話你最好呢就係可以休息」。

▼點擊圖片放大

+7

+6

身體過勞丨高Ling頸部有硬塊上網求救　高海寧工作忙不停健康響警號

高Ling承認唔識抗壓：要調節心態

高海寧承認心情因素影響好大，她說：「我是好易緊張和焦慮的人，特別是工作咁高強度時，又要時刻保持住100分的狀態，會將自己push到好盡，呢樣令我好崩緊和大壓力，所以我要調節這心態，耍放鬆一點。」高海寧坦言曾有大半個月於零晨三四點才睡，她亦自我安慰「都享受的，算不算happy problem呢。」

另外高海寧難得回家，她抱著愛貓影相兼留言：「好耐無食過住家飯，貓貓都大個咗好多。 」

▼點擊圖片放大

+8

+7

最新影片推介：

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5